Explore "Songs of Angus: THE TWA WEELUMS" by Violet Jacob on Textopian. Read with annotations and highlights.
I'm Sairgeant Weelum Henderson frae Pairth, / That's wha I am! / There's jist ae bluidy regiment on airth / That's worth a damn; / An' gin the bonniest fechter o' the lot / Ye seek to see, / Him that's the best -- "whaur ilka man's a Scot" -- / Speir you at me!
Gin there's a hash o' Gairmans pitten oot / By aichts an' tens, / That Wully Henderson's been thereaboot / A'body kens. / Fegs-aye! Yon Weelum that's in Gairmanie, / He hadna reckoned / Wi' Sairgeant Weelum Henderson, an' wi' / The Forty-Second!