Explore "Songs of Angus: THE LANG ROAD" by Violet Jacob on Textopian. Read with annotations and highlights.
Below the braes o' heather, and far alang the glen, / The road rins southward, southward, that grips the souls o' men, / That draws their fitsteps aye awa' frae hearth and frae fauld, / That pairts ilk freen' frae ither, and the young frae the auld. / And whiles I stand at mornin' and whiles I stand at nicht, / To see it through the gaisty gloom, gang slippin oot o sicht; / There's mony a lad will ne'er come back amang his ain to lie, / An' its lang, lang waitin' till the time gangs by.
An far ayont the bit o' sky that lies abune the hills, / There is the black toon standin' mid the roarin' o' the mills. / Whaur the reek frae mony engines hangs 'atween it and the sun / An the lives are weary, weary, that are just begun. / Doon yon lang road that winds awa' my ain three sons they went, / They turned their faces southward frae the glens they aye had kent, / And twa will never see the hills wi' livin' een again, / An' it's lang, lang waitin' while I sit my lane.