Explore "The Field by the Lirk O' the Hill" by Violet Jacob on Textopian. Read with annotations and highlights.
Daytime an' nicht, / Sun, wind an' rain; / The lang, cauld licht / O' the spring months again. / The yaird's a' weed, / An' the fairm's a' still -- / Wha'll sow the seed / I' the field by the lirk o' the hill?
Prood maun ye lie, / Prood did ye gang; / Auld, auld am I, / But O! life's lang! / Gaists i' the air, / Whaups cryin' shrill, / An' you nae mair / I' the field by the lirk o' the hill -- / Aye, bairn, nae mair, nae mair, / I' the field by the lirk o' the hill!