Explore "Songs of Angus: THE ROAD TO MARYKIRK" by Violet Jacob on Textopian. Read with annotations and highlights.
To Marykirk ye'll set ye forth, / An' whustle as ye step alang, / An' aye the Grampians i' the North / Are glow'rin' on ye as ye gang. / By Martin's Den, through beech an' birk, / A breith comes soughin', sweet an' strang, / Alang the road to Marykirk.
Frae mony a field ye'll hear the cry / O' teuchits,[3] skirlin' on the wing, / Noo East, noo West, amang the kye, / An smell o' whins the wind 'll bring; / Aye, lad, it blaws a thocht to mock / The licht o' day on ilka thing -- / For you, that went yon road last spring, / Are lying deid in Flanders, Jock.