Explore "Frae the Friends and Land I Love" by Robert Burns on Textopian. Read with annotations and highlights.
Tune-"Carron Side."
Frae the friends and land I love, / Driv'n by Fortune's felly spite; / Frae my best belov'd I rove, / Never mair to taste delight: / Never mair maun hope to find / Ease frae toil, relief frae care; / When Remembrance wracks the mind, / Pleasures but unveil despair.
Brightest climes shall mirk appear, / Desert ilka blooming shore, / Till the Fates, nae mair severe, / Friendship, love, and peace restore, / Till Revenge, wi' laurel'd head, / Bring our banished hame again; / And ilk loyal, bonie lad / Cross the seas, and win his ain.