Explore "She's Fair and Fause" by Robert Burns on Textopian. Read with annotations and highlights.
She's fair and fause that causes my smart, / I lo'ed her meikle and lang; / She's broken her vow, she's broken my heart, / And I may e'en gae hang. / A coof cam in wi' routh o' gear, / And I hae tint my dearest dear; / But Woman is but warld's gear, / Sae let the bonie lass gang.
Whae'er ye be that woman love, / To this be never blind; / Nae ferlie 'tis tho' fickle she prove, / A woman has't by kind. / O Woman lovely, Woman fair! / An angel form's faun to thy share, / 'Twad been o'er meikle to gi'en thee mair- / I mean an angel mind.