Explore "I Ken Something" by George MacDonald on Textopian. Read with annotations and highlights.
What gars ye sing sae, birdie, / As gien ye war lord o' the lift?
On breid ye're an unco sma' lairdie, / But in hicht ye've a kingly gift!
A' ye hae to coont yersel rich in / 'S a wee mawn o' glory-motes!
The whilk to the throne ye're aye hitchin / Wi a lang tow o' sapphire notes!
Ay, yer sang's the sang o' an angel / For a sinfu' thrapple no meet, / Like the pipes til a heavenly braingel / Whaur they dance their herts intil their feet!
But though ye canna behaud, birdie, / Ye needna gar a'thing wheesht!
I'm noucht but a hirplin herdie, / But I hae a sang i' my breist!
Len' me yer throat to sing throu, / Len' me yer wings to gang hie, / And I'll sing ye a sang a laverock to cow, / And for bliss to gar him dee!