Explore "Two New Poems" by Violet Jacob on Textopian. Read with annotations and highlights.
My buits are at rest on the midden, / I haena a plack, / My breeks are no dandy anes, forrit, / And waur at the back; / On the road that comes oot o' the hielands / I see as I trayvel the airth, / Frae the braes at the back o' Rohallion, / The reek aboon Pairth.
There's a canny wee hoose wi' a gairden / In a neuk o' Strathtay; / My mither is bakin' the bannocks, / The weans are at play; / And at gloamin', my feyther, the shepherd, / Looks doon for a blink o' the licht / When he gethers the yowes by the shielin' / Tae fauld them at nicht.